Ilisimatuunut
neqeroorut
Kisitsisaataasivimmi maanna Naatsorsueqqissaartarfiup innuttaasunut nalunaarsuiffii uani nassuiarneqarput.
https://bank.stat.gl/pxweb/kl/GSmicro/
Kisitsisaataasivimmi tabelini paasissutissat sukumiisumik nassuiarneqartut tassaasullu ilisimatuunit atorneqarsinnaasut nassuiarneqartut ilaatigut ukuupput:
Inoqutigiit
aamma ilaqutariit
Januaarip aallaqqaataani innuttaasut saqqummersinneqaraangata inoqutigiit aamma ilaqutariit pillugit paasissutissat ilanngunneqartarput, ilaqutariinut paasissutissanut ilaqutariit qanoq ittuuneri ilaatigut ilaasarput.
Naatsorsueqqissaartarfiup
paasissutissiinermini periutsimut atorneqartut taaguutit Danmark Statistikkimi atorneqartartut atorpai. Ilaqutariit pillugit
taaguutinut tunngasut uani atuarneqarsinnaapput www.stat.gl/BEN201605/m1.
Naatsumik oqaatigalugu,
ilaqutariit tassaapput inuk ataaseq imaluunniit inuit arlallit inoqutigiit,
aappariit imaluunniit ilaqutariit. Inoqutigiit arlariinnik ilaqutariinnik
najugaqarfigineqarsinnaapput, akerlianilli ilaqutariit inoqutigiinnit
arlariinnit ilaaffigineqarsinnaanngillat.
Titartagaq. Ilaqutariit pingasut inoqutigiit ataatsit
* Inoqutigiinni najugaqartut assigiimmik inuit allattorsimaffianni najugaqartutut nalunaarsimasarput
2021-mi januaarip aallaqqaataani ilaqutariinni 30.178-iusuni inuit 55.615-it inoqutigiinni 22.076-iusuni najugaqarsimapput, imaluunniit agguaqatigiissillugu inoqutigiinni ilaqutariit 1,37-t najugaqarsimapput. Inuillu 806-it allaffissornikkut najukkamik nalunaarsorneqarsimallutik (administrativ adresse).